ត្រូវបានកម្លាំងនគរបាលប្រឆាំងបទល្មើសសេដ្ឋកិច្ចខេត្តដេញប្រម៉ាញ់ ចាប់បានខណៈម្ចាស់រឺម៉ក់បានរត់គេចខ្លួនបាត់ទុក តែរឺម៉ក់ទុកចោលលើផ្លូវក្នុងទីតាំងខាងលើ រួចក៏បានបញ្ជូនមកអោយរដ្ឋបាលព្រៃឈើផ្នែកក្រុងបានលុង ចាត់ការបន្ត។ សន្និធិដែលនគរបាលប្រឆាំងបទល្មើសប្រម៉ាញ់ចាប់បានកណ្តាលក្រុង ចំនួន១៨ដុំ ស្មើរនិង០,៧៨ម៉ែត្រគូប។ ពត៌មានពីមន្ត្រីជំនាញបានបន្ថែមដែរថា កាលពីវេលាម៉ោង៥និង១០នាទីល្ងាច ថ្ងៃទី១៣ ខែតុលាឆ្នាំ២០១៣ នេះ ឈើប្រណិតប្រភេទធ្នង់ដឹកជញ្ជូនតាមគោយន្តកែច្នៃមួយគ្រឿងត្រូវបាន នគរបាលស្រុកកូនមុំ សហការជាមួយកងកម្លាំងរាជអាវុធហត្ថស្រុកកូនមុំ ព័ន្ធស្ទាក់ចាប់បាននៅលើកំណាត់ផ្លូវក្រាលគ្រួសក្រហមស្ថិតក្នុងភូមិ ទុសច្រិច ឃុំតាអង់ ស្រុកកូនមុំ ខេត្តរតនគិរី។
ខណៈម្ចាស់រថយន្តកែច្នៃដឹងខ្លួនមុនបានរត់គេចខ្លួនបាត់ ហើយឈើធ្នង់នៅក្នុងរថយន្តកែច្នៃដែលសមត្ថកិច្ចឃាត់បានខាងលើចំនួន ២៨ដុំស្មើរ១,០៥ម៉ែត្រគូប។ នៅក្នុងថ្ងៃកើតហេតុបទល្មើសព្រៃឈើទាំងរថយន្តកែច្នៃ ត្រូវបានសមត្ថកិច្ចបញ្ជូនមកឲជំនាញរដ្ឋបាលព្រៃឈើផ្នែកក្រុងបាន លុង កូនមុំ ចាត់ការបន្ត។ គួរបញ្ជាក់ផងដែរ ក្នុងថ្ងៃទី១៣ ខែតុលា ឆ្នាំ២០១៣ នេះដែរ ក៏មានរថយន្តកែច្នស១គ្រឿងដឹកឈើប្រណិតពេញព្រាបក្នុងរថយន្តកែច្នៃ ដឹកជញ្ជូនឈើប្រណិតចេញពីស្រុកវ៉ើនសៃឆ្លាងកាត់ស្រុកអូរជុំ ចូលក្រុងបានលុង ដឹកបន្តចូលលំនៅដ្ឋានមួយកន្លែងរបស់លោក ចៅនង ស្នងការរងខេត្តរតនគិរី ដែលសមត្ថកិច្ច និងមន្ត្រីជំនាញឆ្លើយថា ឈើដែលលោកស្នងការដឹកយកមកធ្វើផ្ទះរបស់គាត់(ចៅនាង) ទើបពុំមានខាងសមត្ថកិច្ចណាមួយមានវិធានការណ៍នោះទេ។ ចំណែកលោកចៅនាងស្នងការរងបានបញ្ជាក់នៅលំនៅដ្ឋានដែលកំពុងបន្ត ការសាងសង់ឲដឹងថាលោកពិតជាបានដឹកឈើរួចយកមកធ្វើលំនៅដ្ឋាន ផ្ទាល់ខ្លួនរបស់លោកពិតមែន ដោយមុននឹងដឹកលោកបានបញ្ជាក់ថា លោកបានសុំមន្ត្រីជំនាញ និងសមត្ថកិច្ចគ្រប់គ្នាអស់ហើយ។
ដកស្រង់ពី : វាលឥន្ទ្រី