ប្រជាពលរដ្ឋដែលធ្វើដំនើរតាមដងផ្លូវបានត្អូញត្អែថា កាលដែលមានភ្លៀងហើយចេះតែលិច ស្ទះផ្លូវនេះ ដោយសារតែប្រព័ន្ធលូបង្ហូរទឹកវាតូច ហើយត្រូវបានកាត់ផ្តាច់ដោយកន្លែងៗទៀត ជាពិសេសតំបន់សង្គ្រោះទឹកមួយចំនួនដូចជាបឹងកក់ជាដើមត្រូវបានគេ លប់ ឯប្រឡាយបង្ហូរទឹកចេញក៏មានទំហំតូចទៀត ហេតុនេះ ឲ្យតែមានភ្លៀងខ្លាំងបន្តិចគឺលិចតែម្តង។
សូមបញ្ជាក់ថា នៅតំបន់មួយចំនួននៃប្រទេសកម្ពុជាកំពុងតែទទួលរងការវាយប្រហារដោយសារ គ្រោះទឹកជំនន់ដ៏ធំនៅឆ្នាំនេះ ដូចជានៅខេត្ត បាត់ដំបង សៀមរាប បន្ទាយមានជ័យ ប៉ៃលិនជាដើម ហើយគ្រោះមហន្តរាយនេះ បង្កឲ្យមានមនុស្សស្លាប់យ៉ាងហោចណាស ៨០នាក់ និងខូចខាតទ្រព្យសម្បត្តិ ហេដ្ឋារចនាសម្ព័ន្ធជាច្រើនទៀត៕
